Mat 4:4 Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.
Die natuurlike mens kan nie sien hoe elke mens van elke woord van God sal leef nie, Hier is hoe Jesaja dieselfde waarheid uitdruk:
Jes 55:10-11 Want soos die reën en die sneeu van die hemel neerdaal en daarheen nie terugkeer nie, maar die aarde deurvogtig en maak dat dit voortbring en uitspruit en saad gee aan die saaier en brood aan die eter; so sal my woord wees wat uit my mond uitgaan: dit sal nie leeg na My terugkeer nie, maar doen wat My behaag en voorspoedig wees in alles waartoe Ek dit stuur.
Watter woorde in die Bybel het uit God se mond gegaan? Alles!!!
Psa 119:160 Die hele inhoud van u woord is waarheid, en al u regverdige verordeninge is tot in ewigheid.
2Ti 3:16 Die hele Skrif is deur God ingegee (Grieks: deur God se asem geblaas) en is nuttig tot lering, tot weerlegging, tot teregwysing, tot onderwysing in die geregtigheid,
1Kor 8:6 tog is daar vir ons maar een God, die Vader uit wie alles is, en ons tot Hom, en een Here Jesus Christus deur wie alles is, en ons deur Hom.
Rom 11:36 Want uit Hom en deur Hom en tot Hom is alle dinge. Syne is die heerlikheid tot in ewigheid. Amen.
Die natuurlike mens kan nie glo dat die “alles” wat hier in die tekste voorkom regtig alles is nie, en nog minder glo dat “elkeen” God se vuur sal ervaar waardeur “elkeen” gered sal word:
Mar 9:49 Want elkeen sal met vuur gesout word en elke offerande sal met sout gesout word.
1Kor 3:13-15 elkeen se werk sal aan die lig kom, want die dag sal dit aanwys, omdat dit deur vuur openbaar gemaak word; en die vuur sal elkeen se werk op die proef stel, hoedanig dit is. 14 As iemand se werk bly staan wat hy daarop gebou het, sal hy loon ontvang; 15 as iemand se werk verbrand word, sal hy skade ly; alhoewel hy self gered sal word, maar soos deur vuur heen.
Hierdie woorde word gehaat en verdraai deur die afvalliges want hulle kan net nie aanvaar dat Jesus regtig almal gaan red nie. Die natuurlike mens kan nie aanvaar dat die ‘alles’ ook die bose insluit, en dat alle bose dinge en alle onheil deur God geskep en beheer word nie:
Gen 2:9 En die HERE God het allerhande bome uit die grond laat uitspruit, begeerlik om te sien en goed om van te eet; ook die boom van die lewe in die middel van die tuin, en die boom van die kennis van goed en kwaad.
Job 2:10 Maar hy antwoord haar: Soos ‘n dwaas praat, praat jy! Die goeie sou ons van God aanneem, en nie ook die slegte aanneem nie? By dit alles het Job nie gesondig met sy lippe nie.
Jes 45:7 wat die lig formeer en die duisternis skep, die heil bewerk en die onheil(Oorspronklike Hebreeus = ra‛ = die bose) skep: Ek, die HERE, is dit wat al hierdie dinge doen.
Spr 16:4 Alles het die HERE gemaak vir sy doel, ja, ook die goddelose vir die dag van onheil.
Jes 54:16 Dit is Ek wat die ambagsman geskep het, die ambagsman wat die vuur aanblaas en allerhande wapens daarin smee. Dit is Ek wat die verwoester geskep het om af te breek.
Rom 9:20-21 Maar tog, o mens, wie is jy wat teen God antwoord? Die maaksel kan tog nie vir die maker sê: Waarom het u my so gemaak nie? Of het die pottebakker nie mag oor die klei, om uit dieselfde klomp die een voorwerp tot eer en die ander tot oneer te maak nie?
Bose geeste kan net praat en opereer volgens God se mandaat en voorskrifte….en God het ook hulle woorde en werke laat neerskryf vir ons lering!
1Sa 16:14 Maar die Gees van die HERE het van Saul gewyk, en ‘n bose gees, deur die HERE gestuur, het hom verskrik.
1Sa 18:10 Die volgende dag het die bose gees van God oor Saul vaardig geword, sodat hy rasend was binne-in die huis terwyl Dawid soos elke dag met sy hand speel, en Saul ‘n spies in sy hand hou.
1Ki 22:20-22 En die HERE het gesê [vir die geeste om Sy troon]: Wie sal Agab oorhaal, dat hy kan optrek en val by Ramot in Gílead? En die een het so gesê, en die ander weer so. Toe kom die gees vorentoe en gaan voor die aangesig van die HERE staan en sê: Ek sal hom oorhaal. En die HERE vra hom: Waarmee? En hy sê: Ek sal uitgaan en ‘n leuengees word in die mond van al sy profete. En Hy sê: Jy sal oorhaal, ja, jy sal ook oorwin; gaan uit en doen so.
Job 2:6 En die HERE sê aan die Satan: Kyk, hy is in jou hand; spaar net sy lewe.
Efes 1:11 in Hom in wie ons ook n erfdeel ontvang het nadat ons vantevore daartoe verordineer is ooreenkomstig die voorneme van Hom wat alles werk volgens die raad van sy wil.
1Kor 10:11 Maar al hierdie dinge het hulle oorgekom as voorbeelde en is opgeskrywe as ‘n waarskuwing aan ons op wie die eindes van die eeue gekom het.
Ongelukkig kan almal nie nou hierdie woorde hoor nie al staan dit oop en bloot voor hulle. God het self hulle oë en ore gesluit:
Hand 28:27 Want die hart van hierdie volk het stomp geword, en met die ore het hulle beswaarlik gehoor, en hulle oë het hulle toegesluit, sodat hulle nie miskien met die oë sou sien en met die ore hoor en met die hart verstaan en hulle bekeer en Ek hulle genees nie.
2Th 2:10-11 ….met allerhande verleiding van ongeregtigheid in die wat verlore gaan, omdat hulle die liefde tot die waarheid nie aangeneem het om gered te word nie. 11 En daarom sal God hulle die krag van die dwaling stuur, om die leuen te glo,
Net Sy ware kinders word ore gegee om te hoor en dit maak die afvalliges nog meer boos as hierdie waarhede aan hulle voorgehou word:
Mat 11:15 Wie ore het om te hoor, laat hom hoor.
Mat 13:9 Wie ore het om te hoor, laat hom hoor!
Mar 4:9 En Hy sê vir hulle: Wie ore het om te hoor, laat hom hoor.
Mar 4:23 As iemand ore het om te hoor, laat hom hoor.
Mar 7:16 As iemand ore het om te hoor, laat hom hoor!
4windkoinonia 